Versierings onder truspieëltjies lei tot ongelukke
2011-09-09 10:08
Brittanje – Versierings en lugverfrissers wat agter of onder 'n truspieëltjie hang kan ongelukke veroorsaak wat selfs in sommige lande tot vervolging kan lei, het die Daily Mail berig.
‘n Studie deur die Automobiel Assosiasie (AA) in Brittanje het bevind een uit elke 20 voertuie het ‘n blindekol wat veroorsaak word deur ‘n versiering wat in die motor hang.
Altesaam 2 000 voertuie is as deel van die studie ondersoek.
Die versierings wat die meeste voorkom, is teddiebere, krale, sokkerbalhangertjies en lekkerruik-bome.
Die AA het egter bevind die gevaarlikste versiering is ‘n silwer CD, wat motoriste kan verblind wanneer sonlig daarop val.
Volgens die AA kan die polisie motoriste beboet as hulle versierings hulle sig belemmer, en op Britse paaie kan so 'n motor selfs onpadwaardig verklaar word.
– Volg Nuus24 op Twitter.