Veiligheid van elektriese motors bekyk
2011-11-15 12:58
Amerika – Beamptes in Amerika is besig met ‘n ondersoek oor die veiligheid van elektriese voertuie nadat ‘n beskadigde litium-ioonbattery in ‘n Chevy Volt drie weke na ‘n toetsbotsing aan die brand geslaan het.
Volgens veiligheidsbeamptes is daar geen bewyse dat elektriese motors ‘n groter risiko loop om aan die brand te slaan as brandstof-aangedrewe motors nie, alhoewel daar al probleme was met litium-ioonbatterye wat in rekenaars gebruik was.
Niemand is in die brand beseer wat die eiendom van ‘n toetsfasiliteit in Wisconsin, wat aan die regering behoort, in Mei beskadig het nie.
Dit is ook die enigste saak van ‘n battery-verwante brand nadat verskeie botstoetse reeds gedoen is, het die nasionale hoofwegverkeersveiligheidsvereniging (NHTSA) bekendgemaak.
Volgens die NHTSA gaan hulle verdere toetse op die batterye doen en hulle werk saam met motormaatskappye om seker te maak hulle gee gehoor aan protokol wat ná botstoetse gedoen moet word.
Hulle gaan ook verbruikers en nooddienste inlig oor die nodige veiligheidsmaatreëls wat in plek moet wees.
General Motors het gesê hulle het nog nie enige verslae of klagtes van motorhandelaars of kliënte ontvang nie.
– Volg Nuus24 op Twitter.
- AFP