Vakbonde sleep motorvervaardiger hof toe
2011-09-14 10:01
Switserland – Twee Switserse vakbonde het ‘n hof Maandag gevra om die motorvervaardiger Saab formeel bankrot te verklaar sodat dié maatskappy se werkers hul salarisse vir Augustus kan ontvang.
Saab sukkel al weke lank om kontant te verkry om hul werkers te betaal.
Die vakbonde, Unionen en Ledarna, het die versoek namens hul lede by die hof ingedien.
“Die versoek is ingedien omdat Unionen se lede nog nie hul salarisse vir Augustus ontvang het nie en die spertyd wat ons aan Saab gegee het is reeds verstreke, het Unionen in ‘n verklaring gesê.
Saab het 3 700 werknemers waarvan 1 100 aan Unionen behoort en 131 aan die vakbond Ledarna.
Saab het kennis geneem van die vakbonde se aankondigings en gesê dit kan ‘n hof ‘n hele paar weke neem voordat ‘n finale besluit geneem word.
Die maatskappy wie se skuld sowat €150 miljoen (sowat R1,5 miljard), beloop, het in April betalings aan verskaffers gestaak.
Dít het tot gevolg gehad dat aflewerings sedert April nie meer gedoen is nie.
– Volg Nuus24 op Twitter.
- AFP