Toyota staak verkope van sekere modelle
2010-01-27 13:16
Washington - Toyota het die verkope van agt van sy nuwer modelle gestaak nadat probleme met van dié motors se versnelpedale ondervind is.
Dié besluit volg kort nadat Toyota onlangs sowat 2.3 miljoen motors en vragmotors weens dieselfde versnelpedaal-probleem moes herroep.
“Om die veiligheid van ons kliënte te verseker en vertroue te herwin, het ons dit nodig geag om die verkope van sekere van ons modelle voorlopig te staak,” het Bob Carter, die adjunk-president van die Toyota-groep, in ‘n verklaring gesê.
Modelle wat deur dié aankondiging geraak word is die 2009/10 RAV4, 2009/10 Corolla, 2009/10 Matrix, 2005-2010 Avalon, sekere 2007-2010 Camry-modelle, 2010 Highlander, 2007-2010 Tundra en die 2008-2010 Sequoia modelle.
- Sapa-AFP