Toyota onthul 'bekostigbare' sportmotor
2011-11-28 10:37
Kaapstad – Die Japannese motorvervaardiger Toyota het uiteindelik amptelike foto's en besonderhede van sy opkomende "bekostigbare" sportmotor bekend gemaak.
Die nuweling sal nie FT-86 heet soos aanvanklik gedink is nie, maar die motor wat in samewerking met Subaru vervaardig is, sal as die GT 86 bekendstaan. In Japan sal dit eenvoudig die 86 wees.
Die GT 86 maak vandeesmaand sy buiging by die motorskou in Tokio en sal teen Mei of Junie aanstaande jaar in Suid-Afrika beskikbaar wees.
Toyota SA is baie gretig om die motor in die R300 000-prysklas te plaas.
– Lees meer hier en kyk na die foto's
– Volg Nuus24 op Twitter