Toyota-ondersoek nog nie afgehandel
2010-07-16 10:03
New York - 'n Woordvoerder van Toyota sê dié motorvervaardiger beplan nie om die uitslag van sy ondersoek na probleme met versnelling bekend maak tot die regering sy eie ondersoek afgehandel het nie.
Mike Michels het gesê Toyota se ondersoek na meer as 2000 klagtes oor vernellers in sy motors is nog nie afgehandel nie.
Talle Amerikaanse regeringsagentskappe, insluitend Nasa en die departement van vervoer, doen hul eie ondersoek.
Michels het gesê die motorvervaardiger het 'n paar oorsake vasgestel vir die probleem met versnelling, insluitend vloermatjies wat veroorsaak dat die versnelpedaal vashaak en bestuurdersfoute in sommige gevalle.
Volg Nuus24 op Twitter
- AP