Toyota-baas vra om verskoning
2010-02-09 14:45
Nagoya/Detroit – Die President van Toyota, Akio Toyoda, vra om verskoning vir die veiligheidsprobleme wat die Japanese motorvervaardiger “in ‘n krisis” geplaas het nadat die groep nóg herroepe oorweeg – dié keer weens die remme van die nuutse hibriede Prius-model.
“Glo my, Toyota-motors is veilig”, het Toyodo (kleinseun van Toyota se stigter) gesê nadat hy heeltemal stil was sedert die krisis begin het.
Toyota het sowat 8 miljoen motors wêreldwyd herroep as gevolg van probleme wat met onopsetlike versnelling te make het.
Negentien mense is reeds in die VSA weens dié probleem dood.
Toyota-aandele het reeds sowat $30 biljoen (R232 biljoen) of ‘n vyfde van hul waarde verloor sedert 21 Januarie toe hulle herroepe gemaak het as gevolg van foutiewe versnellerpedale.
Veiligheidsregulasies word nou in die VSA en Japan ondergaan om die rem-probleme met die Prius te ondersoek.
Lees die volledige artikel hier.
- Wheels24