Toyoda stel besoek aan VSA uit
2010-02-15 12:14
Tokyo - Akio Toyoda, president van Toyota, het sy beplande besoek aan Amerika, om te verduidelik hoekom so baie voertuie herroep is, uitgestel.
Hy sal Amerika nou in Maart besoek, het 'n woordvoerder van die maatskappy Vrydag gesê.
"Die president het beplan om op 10 Februarie 'n besoek aan Washington af te lê, maar is weens sneeu genoop op dié datum te verander tot vroeg in Maart," het Mieko Iwasaki, 'n woordvoerder, gesê.
Sy wou egter nie sê hoekom Toyoda 'n vergadering oor die motorvervaardiger se veiligheidsprobleme op 24 Februarie gaan misloop nie.
– Sapa-AFP