Top-10 versamelmotors vir die toekoms
2012-02-01 09:30
Kaapstad – Kenners het 'n lys saamgestel van 10 motors wat dalk in die toekoms versamelstukke kan word.
Volgens Hagerty Insurance, ’n versekeringsmaatskappy vir versamelmotors, beklee die Chevrolet Camaro ZL1 die top-posisie op die lys, gevolg deur die Buick Regal GS en die Ford Mustang Boss 302.
Ander motors wat die top-10 gehaal het, is die Jeep Grand Cherokee SRT8 in die vierde plek en die Volkswagen Golf R in die vyfde plek. Die Porsche 911 is in die sesde plek en die Audi TT RS is nommer 10.
Om in aanmerking te kom vir dié lys moet die voertuie in grootmaat vervaardig word, tans verkoop word en die handelaarsprys moet minder as $100 000 (sowat R784 000) wees.
Hagerty het 'n span kenners gevra om tien motors, met die grootste potensiaal om 'n versamelstuk in die toekoms te word, te identifiseer.
– Lees meer hier
– Volg Nuus24 op Twitter