Tiener in die sop ná hy pa se Ferrari 'leen'
2011-07-15 09:58
Duitsland – ‘n Duitse skoolseun van net 14 jaar oud het dié land se polisie in rep en roer gehad nadat hy sy pa se nuwe Ferrari "geleen" het.
Die tiener se ouers was op pad na die familiewoning toe hulle deur die polisie vir ondervraging van die pad afgetrek is.
Volgens die polisie het ‘n kennis van die familie agtergekom dat die motor van R1,9 miljoen en die seun vermis is, maar hy het eers vermoed dat dit diefstal of ontvoering was.
Ná ‘n hele paar uur het die tiener met die onbeskadigde swart sportmotor by die polisiestasie opgedaag.
Hy word nou deur verskeie klagtes in die gesig gestaar, insluitend bestuur sonder ‘n geldige rybewys.
– Volg Nuus24 op Twitter.
- AFP