The Stig se ID kos BBC toe baie
2010-11-19 09:00
Londen - Die Britse nasionale uitsaaikorporasie (BBC) moes behoorlik hoes om die identiteit van 'The Stig', die mede-aanbieder op die gewilde TV-reeks Top Gear, te probeer stilhou.
En toe misluk hulle in elk geval.
Dit het die BBC meer as 'n halfmiljoenrand in regskoste uit die sak gejaag om te poog om Ben Collins te keer om sy identiteit bekend te maak, berig die London Daily Mail.
Collins het Top Gear-kykers lank aan die raai gehad het oor wie is is toe hy op die reeks in sy kenmerklike wit oorpak en wit valhelm verskyn het. Hy het toe 'n boek uitgebring wat hom aan die wêreld bekend stel. Die BBC wou die publikasie van hierdie boek keer.
'The Stig' het sy frustrasie in die Britse media uitgespreek dat hy sowat £10 000 per episode moes verdien, terwyl sy mede-aanbieders, Jeremy Clarkson en Richard Hammond na bewering honderde duisende ponde gekry het.
Die BBC is gekritiseer dat hulle die publiek se geld gebruik het om blitsvinnig hul reuse-rekening op te bou. Dit het ingesluit 'n prokureur wat R1 750 per uur vra.
Vir meer oor hierdie storie, kliek hier.
Volg Nuus24 op Twitter.