Tata: Nano se prys die rede vir swak verkope
2012-01-25 14:55
Nieu-Delhi, Indië – Toe Indië se Tata Nano, die wêreld se goedkoopste motor, bekendgestel word was daar gehoop dat dit 'n groot sukses sou wees.
Dié motor wat in 2009 bekendgestel is het selfs ‘n opknappingsessie ondergaan om dit meer aanloklik te laat lyk. Maar selfs dít het nie gehelp om die verkope op te stoot nie.
Dit het egter nou aan die lig gekom dat die probleem by die motor se prys lê. Die Tata Nano kos $2 800 (sowat R22 200).
Punnoose Tharyan, redakteur van Indië se tydskrif Motown, het gesê die Nano staan bekend as 'n motor vir die arm man.
"Niemand wil gesien word een bestuur nie."
Daar was gehoop dat daar maandeliks ongeveer 25 000 van dié motors verkoop sou word.
Volgens Murad Ali Baig, 'n kenner, is daar baie ander gerespekteerde tweedehandse motors vir dieselfde prys van die Nano beskikbaar, sommige selfs met lugverkoeling.
– Kliek hier om die volledige storie te lees.
– Volg Nuus24 op Twitter.
- AFP