Man moet tenk-lisensie kry vir sy rolstoel
2011-01-19 09:53
Kaapstad - Is die Tank Chair die wêreld se super-rolstoel?
Die bestuurs- en motorlisensie-agentskap in die Verenigde Koninkryk (DVLA) dink beslis so. Die liggaam het die 36-jarige Jim Starr, ‘n gestremde verbruiker, beveel om sy Tank Chair-rolstoel nie op voetpaaie te gebruik nie.
Die Tank Chair, wat spesiaal op aanvraag gemaak word, is 107cm wyd en weeg 220kg. Dit is egter 22cm te wyd en 100kg te swaar om as ‘n gewone rolstoel gekategoriseer te word.
So om dié rolstoel in die publiek te gebruik, benodig verbruikers ‘n kategorie H-bestuurderslisensie, dieselfde lisensie wat tenk-bestuurders kry.
Die Tank-rolstoel word aangedryf deur ‘n 24V-motor en kan sowat 13km/h ry. Dit word deur middel van ‘n stuurstok beheer.
- Kliek hier vir meer inligting.
- Volg Nuus24 op Twitter.