Studie: Vroue parkeer slegter as mans
2011-10-03 14:03
Brittanje – Parkeer vroue slegter as mans?
Volgens inligting wat deur Brittanje se Driving Standards Agentskap bekendgemaak is kan ‘n derde van vroue (ongeveer 55 000 uit 170 000) nie parallel parkeer nie. Ander vroue het gedruip omdat hulle agteruit ry maar dan nie in hul spieëltjies kyk nie.
Die agentskap berig ook vroulike bestuurders het ongeveer 52 ure onderrig nodig voordat hulle kan slaag terwyl mans slegs 36 benodig.
Volgens die Londense Daily Mail het navorsers by die Ruhr Universiteit in Bochum, Duitsland 65 vrywilligers gevra om ‘n Audi te parkeer.
Vroue het 20 sekondes langer as mans geneem en ander het die grootte van hul borste blameer. Hulle beweer hulle het dit moeilik gevind om om te draai terwyl hulle parkeer.
Volgens inligting het 40 000 mans hul bestuurderslisensie in 2010 gedruip omdat hulle te vinnig begin het, terwyl 30 500 ander mans gedruip het omdat hulle verkeersligte verontagsaam.
Volgens die agentskap is die fout wat albei geslagte die meeste maak die feit dat hulle nie eers regs, links en dan weer regs kyk voor hulle oor kruisings ry nie.
Altesaam 50,7% mans slaag hul bestuurderslisensie in Brittanje, die eerste keer wanneer hulle dit doen, terwyl 44,1% vroue slaag.
– Wheels24.
– Volg Nuus24 op Twitter.