Studie: Minder jongmense koop motors
2011-10-26 11:51
Duitsland – Studente wat hul grade voltooi verkies eerder om op kampus te woon of openbare vervoer te gebruik. Dít het tot gevolg dat daar ‘n toename is in die aantal jongmense wat kies om nie ‘n motor te koop nie.
Martin Kagerbauer, van die Karlsruhe Instituut van Tegnologie (KIT) in Duitsland, sê mense jonger as 30 koop nou motors wanneer hulle veel ouer is. Dié mense kry hul bestuurderslisensies ook eers op ‘n latere tydstip in hul lewe.
KIT navorsers het die vervoer wat 1 500 mense gebruik vir een week sedert 1994 gevolg. Die studie het getoon dat mense tussen die ouderdomme van 18 tot 30 bestuur 4 km minder ‘n week as wat hulle in 1995 bestuur het. Maar die afstand wat hulle reis deur openbare vervoer te gebruik, het met 5,5 km toegeneem.
Kagerbauer het beter openbare vervoer in stede, die feit dat mense aan ryklubs behoort, fietse huur en selfs hul inkopies aanlyn doen, as redes vir die nuwe bevindinge aangevoer.
Volgens Eckehart Rotter, woordvoerder van die Duitse Assosiasie van die motorbedryf, is hulle nie bekommerd oor die impak wat dit dalk op die toekoms van die motorbedryf mag hê nie.
“Baie meer jongmense is besig om hul grade klaar te maak en hulle benodig nie motors nie omdat hulle op die kampusse woon of in die stad. Dit is nie asof ons hulle verloor nie hulle koop maar net motors op ‘n latere stadium van hul lewens.”
– Volg Nuus24 op Twitter.
- Reuters