Spoedvraat met R20 000 beboet

2010-11-30 19:03

Kaapstad – ‘n KwaZulu-Natalse motoris is met ‘n boete van R20 000 of drie jaar tronkstraf gevonnis nadat hy 197km/h in ‘n 120km/h sone gejaag het, het die ministerie van vervoer in ‘n verklaring bekend gemaak.

Farouk Ebrahim Patel (53) van Umtentweni is Saterdagoggend in hegtenis geneem terwyl in ‘n Subaru op die N2 naby Sezela in KwaZulu-Natal gery het.

Patel het Maandag in die Scottburgh-landdroshof verskyn.

Vyf ander motoriste het ook Maandag in dieselfde hof verskyn. Hulle is gevonnis met boetes van R4000 tot R18 000.

Volg Nuus24 op Twitter.
 

- SAPA