Sanral tjoepstil oor e-skyfies
2012-02-07 12:42
Johannesburg – Die Suid-Afrikaanse Nasionale Padagentskap (Sanral) het Maandag geen woord gerep oor vrae oor die bepalings en voorwaardes vir e-skyfies nie.
Die verbruikerskommissaris, Mamodupi Mohlala, het onlangs bevind dat die bepalings en voorwaardes wat motoriste moet onderteken wanneer hulle vir die Gautengse tolpaaie se e-skyfies registreer, onwettig en onregverdig is.
Volgens Mohlala is die voorwaardes “oormatig eensydig ten gunste van die verskaffer.”
Sy het bygevoeg dat die voorwaardes nie in ooreenstemming met die Wet op Verbruikersbeskerming is nie.
Sanral het verlede maand aangekondig dat die e-skyfies – wat in Februarie sou begin – op ys gesit is om die publiek se bekommernisse aan te spreek en petisies na te gaan.
Volg Nuus24 op Twitter
- SAPA