'SA motoriste kwaad, onverdraagsaam'
2012-02-09 10:03
Kaapstad – S'bu Ndebele, minister van vervoer, het Dinsdag gesê Suid-Afrikaanse motoriste handhaaf 'n swak bestuurkultuur.
Volgens hom is baie motoriste ook ongeduldig en aggressief agter die stuurwiel, wat dikwels tot ongelukke lei.
Minstens 1 200 mense sterf maandeliks op die land se paaie.
"Motoriste is kwaad en baie onverdraagsaam. In plaas van 25 minute wag by 'n verkeerslig sal hulle liewer iemand doodry," het hy gesê.
Ndebele het gesê motoriste moet leer om die pad te deel.
In 'n verslag wat die Padverkeersbestuurskorporasie (RTMC) aan die parlement voorgelê het, is daar bevind dat spoed, dronkbestuur en moegheid die redes vir ongelukke is.
Minstens 1 500 mense is verlede jaar gedurende die feestyd in padongelukke dood.
– Eyewitness News.
– Volg Nuus24 op Twitter.