SA motorbedryf kry R2,2 miljard inspuiting
2012-02-21 16:00
Kaapstad – ‘n Groot motorvervaardiger gaan R2,2 miljard in die Suid-Afrikaanse ekonomie belê met ‘n nuwe voertuigreeks, het Ebrahim Patel, die minister van ekonomiese ontwikkeling, Maandag gesê.
“[Dit] is ‘n mosie van vertroue in ons ekonomie deur die privaatsektor ,” het Patel gesê.
Die bekendstelling van die produksie van die nuwe 3-reeks BMW by die maatskappy se Rosslyn-aanleg sal 600 nuwe werke skep.
BMW SA voer sowat 85% van die motors wat dit vervaardig uit.
Die aanleg se huidige kapasiteit staan op 55 000 eenhede ‘n jaar.
Patel het gesê met die nuwe belegging sal dit waarskynlik na meer as 90 000 eenhede per jaar toeneem.
– Volg Nuus24 op Twitter
- SAPA