Ryskole binnekort gereguleer

2012-09-10 09:36

Johannesburg – Wetgewing kom om te verseker dat nie sommer enigeen ’n motorbestuurskool kan begin nie.

Ingevolge die Wysigingswetsontwerp op die Nasionale Padverkeerswet wat op 18 Julie in die Staatskoerant gepubliseer is, moet iemand wat aansoek doen om ’n bestuurskool te begin, twee jaar ondervinding as geregistreerde instrukteur hê, het Volksblad berig.

Aansoeke moet by provinsiale LUR’e vir vervoer ingedien word, wat die aansoek kan afkeur as die aansoeker nie aan sekere vereistes voldoen nie. As die aansoek afgekeur is, mag die aansoeker in g’n ander provinsie weer aansoek doen tensy hy die voorwaardes van die wet nakom nie.

Is dit 'n goeie idee om bestuurskole te reguleer? Wat dink jy? Het jy al 'n slegte ervaring gehad met 'n bestuurskool? Stuur jou mening aan [e-mail].

– Volg Nuus24 op Twitter.