Polisie verkoop spoedvrate se Ferrari en BMW
2010-11-26 10:40
Kaapstad - Twee Kanadese spoedvrate is hul Ferrari en BMW kwyt nadat hulle resies gejaag het in Brits-Columbië en die owerhede hulle betrap het.
Die twee mans het mekaar Donderdag uitgedaag op die Mount Seymorpad, wat glo 'n gewilde roete onder jaers is.
Die een het 'n F430 bestuur en die ander 'n BMW M6. Hulle het 200 km/h in 'n 60km/h gebied geklok.
Hulle het glo net-net 'n ma wat saam met haar twee kinders langs die pad geloop het, gemis.
Die owerhede is gevolglik van hul resies ingelig.
Beide motors is ingesleep en op 'n veiling verkoop vir R2.16 miljoen.
Besoek wheels24 vir die volledige berig.