Peugeot, Citroën onttrek duisende motors
2010-02-01 15:00
Parys - Die Franse motorvervaardiger PSA Peugeot Citroën sê hy gaan 97 000 Peugeot 107-motors en Citroën C1-motors wat in 'n Tseggiese fabriek vervaardig is, onttrek.
PSA deel dié fabriek met die Japannese motorvervaardiger Toyota.
Dié stap kom ná Toyota Vrydag miljoene motors wêreldwyd weens foutiewe versnellers onttrek het.
Peugeot het in 'n verklaring gesê die motors wat onttrek word is in 'n fabriek wat die maatskappy met Toyota deel gemaak en is gesamentlik met dié motorvervaardiger gemaak.
Peugeot het verder gesê dít is net 'n voorsorgmaatreël en raak Europese motoreienaars wat van die probleem verwittig sal word.
– Sapa-AFP