Oë rek toe peperduur Ferrari in die see beland
2011-09-19 13:08
Kanada – ‘n Pasgemaakte Enzo Ferrari wat aan die motorentoesias Zahir Rana behoort, het tydens die Targa Newfoundland-wedren in Kanada in die see beland.
Rana, 'n motorhandelaar, het gesê die motor se waarde is ongeveer R11 miljoen.
Rana en sy mede-bestuurder, Roland Linder, het tydens die wedren ‘n harde bult op ‘n grondpad getref, waarna hulle beheer oor die voertuig verloor het. Dit het in die see beland.
Ferrari het slegs 400 Enzo Ferrari’s vervaardig en Rana se Enzo is glo een van die vinnigstes in die wêreld. Dié motor kon glo van 0-100 km/h versnel in slegs 2.8 s.
Kyk hier na die video:
– Wheels24.
– Volg Nuus24 op Twitter.