Nuwe hibriede motor vir Toyota
2009-10-20 09:39
Tokio - Die wêreld se grootste motorvervaardiger, Toyota het nou met ‘n duurder en groter hibriede-model as sy gewilde Prius vorendag gekom.
Die Sai is Toyota se tweede volledige hibriede-model hoewel dié motorvervaardiger ook verskillende hibriede-voorstellings van sommige van sy ander motors het.
Die Sai sal vanjaar vanaf 7 Desember net in Japan verkoop word, met ‘n verkoopsmikpunt van 3 000 motors per maand.
Daar is nog geen besluite oor wêreldwye verkope gemaak nie, het Toyota gesê.
- Sapa