Motorpryse styg minder
2010-01-13 15:00
Johannesburg - Daar is tekens van ‘n ommekeer in die nuwe en gebruikte voertuigmarkte, het die navorsingsgroep TransUnion Auto Information Solutions Woensdag gesê.
Die inflasiekoers van nuwe motorpryse het in die laaste kwartaal van 2009 afgeneem, terwyl die deflasie van gebruikte motorpryse stewig gebly het teen -0.6%.
Terwyl die prysinflasie van nuwe motors vanaf 5.3% in 2008 tot 10.6% verdubbel het, is dit duidelik dat die styging in nuwe motorpryse besig is om af te neem.
Die styging in nuwe motorpryse het in die laaste kwartaal van 2009 tot 8.7% geval vanaf 11% in die derde kwartaal.
Mike von Höne, hoof- uitvoerende beampte van TransUnion Auto Information Solutions, het gesê hy glo nie die pryse van gebruikte motors sal nog vir lank onder druk bly nie.
Die vooruitsig van nuwe en gebruikte motors in 2010 lyk baie positief, het Von Höne gesê.
- Sapa