'Motor-kwotastelsel' in Beijing in vooruitsig

2011-01-01 08:46

Beijing - 'n Staatskoerant in China berig dat duisende mense reeds 'n nuwe webwerf besoek het waar motorregistrasienommers vir Beijing te koop aangebied word in afwagting van 'n nuwe kwotastelsel wat daarop gemik is om swaar verkeer in dié stad te verlig.

Volgens die Beijing Daily is 'n webwerf met dié doel pas na middernag Vrydag bekendgestel. Ongeveer 6 000 mense het binne die eerste tien minute al vir nuwe registrasienommers aansoek gedoen.

Die stad sal slegs 240 000 nuwe registrasienommers in 2011 uitreik – twee derdes minder as verlede jaar.

- Volg Nuus24 op Twitter

- Sapa - AP