Meer as 60 taxi-lisensies opgeskort
2011-04-18 09:58
Kaapstad - Altesaam 62 taxi's se voertuiglisensies is opgeskort nadat hulle in Johannesburg van die pad afgetrek is, het RSG op hul webwerf berig.
Volgens hoofsupt. Wayne Minnaar, van die stad se metropolisie, is die taxi's op die roete tussen Johannesburg en Dobsonville gebruik en was dit nie padwaardig nie.
Minnaar sê die veldtog vorm deel van die polisie se Paastydveldtog, waartydens busse en taxi's deeglik nagegaan sal word.
- Volg Nuus24 op Twitter.