Ma's wat borsvoed en bestuur kwel polisie
2012-01-24 10:04
Wellington – Die polisie in Nieu-Seeland het gesê hy is geskok oor die aantal ma's in Auckland wat hul kinders borsvoed terwyl hulle bestuur.
Drie vroue is vroeër vandeesmaand tydens 'n tien dae lange operasie wat daarop gemik is om te verseker dat kinders veilig vervoer word, afgetrek.
"Elk van hulle het op die hoofweg gery. Hulle is afgetrek en aangespreek," het insp. Shanan Gray gesê. Gray het benadruk dat dié praktyk ma en kind "in 'n uiters gevaarlike situasie plaas".
"Indien hulle die voertuig skielik tot stilstand moet bring of in 'n ernstige ongeluk betrokke is, sal die baba uit die voertuig geslinger word."
Gray het gesê die polisie is ook geskok oor die aantal kinders wat in kattebakke vervoer word.
Hy het gesê dit is uiters teleurstellend om te sien hoeveel kinders tydens die operasie in gevaar was.
– Volg Nuus24 op Twitter
- Sapa - AFP