Klein iQ maak groot opspraak
2009-09-23 11:56
Klein maar kenmerkend. Toyota se iQ is in die kollig by Frankfurt se motorskou, met twee dapper nuwe ontwerpstudies wat wys dat verantwoordelike onder-100g/km motors nie vervelig hoef te wees nie.
iQ is die wêreld se kleinste vier-sitplek produksie motor en laat al klaar die koppe op straat draai met sy kontemporêre en kompakte ontwerp.
Toyota onthul nou die motor se potensiaal vir aanpassing met ‘n oulike op-straat bakwerkstel en ‘n vrolike interieur.
iQ Versameling
iQ Versameling fokus op die kajuit, met die ligte pêrelafronding van die bakwerk wat aansluit by fyn besonderhede in die interieur, soos die instrument- en deurpanele.
Die leer stoffering is ‘n bypassende ligte wit skakering en die geglasuurde dak sorg vir ‘n ligte en helder interieur.
iQ vir Sport
iQ vir Sport gaan oor straatstyl in die stad met ‘n bakwerkstel wat nommerpas vir hom gemaak is, met sterk geometrie en skoon lyne.
Die motor ry op 18 duim pasgemaakte bande en het voorligte met hoë-intensiteit LED ligte vir ‘n onmisbare “kyk na my” voorkoms.
Daar is ook ‘n drukvlerk en ‘n trapesoïede sentrale uitlaatpyp wat klem [plaas op die iQ se potensiaal vir verpersoonliking
Die interieur spog met verligte deurhandvatsels, ‘n kollig op die paneelinstrumentebord en panele wat gemaak is uit nikkel en aluminium.
Vermaak en navigasie kan beheer word deur ‘n 10-duim LCD aanraakskerm met DVD speler en musiek biblioteek funksies.