Internet beste plek om motor te verkoop
2011-07-19 14:39
Kaapstad – Navorsing het getoon die beste plek vir motorhandelaars om ‘n Suid-Afrikaner te oorreed om ‘n motor te koop, is op die internet.
Die studie, wat deur die maatskappy Effective Measure gedoen is, het bevind dat die meerderheid van die sowat 886 000 potensiële kopers wat aan die studie deelgeneem het, van webwerwe gebruik maak om navorsing oor motors te doen, en ook om te kyk wat die nuutste neigings in die motorbedryf is.
Altesaam 78% van dié gebruikers is mans wat in verhoudings is, wat daarop dui dat dié groep die aktiefste is in die mark.
Die navorsing het ook getoon dat dié mans so veel as moontlik inligting insamel voordat hulle ‘n motor sal koop.
Hoewel motorjoernaliste opgewonde raak oor ‘n motor se enjinkrag het die studie getoon dat 'n motor se prys en brandstofverbruik die grootste rol speel wanneer mense motors wil koop.
– iafrica.
– Volg Nuus24 op Twitter.