Hof beveel dat slaggate reggemaak word
2011-06-29 15:58
Kaapstad – Beamptes by die Victor Khanye munisipaliteit is tans in samesprekings oor hoe om voort te gaan nadat ‘n hof beveel het dat die slaggate op die R55 in die Delmas-omgewing herstel moet word.
“Hulle is steeds in ‘n vergadering besig om die saak te bespreek,” het Ronald du Toit, ‘n munisipale woordvoerder gesê.
Du Toit het egter gesê die pad tussen Delmas en Ogies is nie ‘n munispale pad nie.
“Dit is ‘n provinsiale pad en dit is nie ‘n pad wat deur die munisipaliteit reggemaak moet word nie.”
Volgens hom begin die pad by Springs en eindig rondom Witbank, en die munisipaliteite waardeur die pad loop is nie verantwoordelik vir die instandhouding nie.
Mohamed Omar en Willem Harmse, albei van die Delmas-omgewing, het aansoek gedoen vir die hofbevel ná onsuksesvolle pogings om plaaslike owerhede te kry om dit reg te maak.
Die pad is in ‘n slegte toestand en die slaggate het glo ook bygedra tot ‘n botsing verlede week waarin twee mense dood is.
Volgens Omar en Harmse se prokureurs is die raad 72 uur gegee om tydelike herstelwerk aan die pad te doen. Indien dit nie gebeur nie sal nóg ‘n bevel deur die hof uigereik word wat die burgemeester en sy uitvoerende raad agter tralies sal plaas.
– Volg Nuus24 op Twitter.
- SAPA