Hoekom bestuurders hul regte moet ken
2011-08-30 12:26
Kaapstad – Wat doen jy as daar verkeersboetes met jou identiteitsnommer verbind word op die www.paycity.co.za-webwerf, maar jy het nog nie die boetes deur die pos ontvang nie? Betaal jy dié boetes of nie?
In dié geval is kenners verdeeld, berig Star Motoring.
Volgens die Johannesburgse metropolisie (JMPD) moet jy dié boetes betaal, terwyl kenners van die Geregtigheidsprojek S.A (JPSA) meen motoriste hoef dit nie te betaal nie.
Volgens Wayne Minnaar, woordvoerder van die Johannesburgse metropolisie, is alle boetes veronderstel om persoonlik afgelewer te word of aan motoriste deur die pos gestuur te word.
“Indien dit nie gebeur het nie en jy is bewus dat daar wel boetes teen jou uitgereik is, is jy steeds verantwoordelik om dit te betaal.”
Howard Dembovsky, voorsitter van die Geregtigheidsprojek S.A (JPSA) sê egter boetes moet persoonlik afgelewer word of deur geregistreerde pos afgelewer word.
Die wet ondersteun dié stelling, sê Dembovsky.
– Volg Nuus24 op Twitter.