Hilux-bakkies laat wêreldrekord spat

2010-11-02 09:15

Kaapstad - Presies 495 Toyota Hilux-eienaars het hul bakkies Saterdag in Atlantis in die Wes-Kaap saam op 'n duin parkeer as deel van 'n rekordpoging om die meeste Hilux-bakkies ooit op een plek te laat saamtrek.

'n Verteenwoordiger van Guinness Wêreldrekords het later bevestig dat die rekordpoging wel suksesvol was.

Dié unieke saamtrek het begin as 'n informele gesprek tussen Toyota Suid-Afrika, die 4 Wiel Aandrywing-klub van die Wes-Kaap en 'n groep Hilux-eienaars.

Die rekord is gebreek op die vooraand van die 4 Wiel Aandrywing-klub van die Wes-Kaap se jaarlikse saamtrek.

- As jy die byeenkoms bygewoon het kan jy jou foto's vir publikasie stuur na [e-mail].

- Die Burger