Groot uitdagings wag op SA se motorbedryf
2011-10-14 11:43
Johannesburg – Verskeie leiers in die motorbedryf het tydens die Johannesburgse Internasionale Motorskou gesê dit sal 'n baie groot uitdaging wees om die regering se doelwit te bereik om Suid-Afrikaanse motorproduksie tot 1.2 miljoen voertuie per jaar in 2020 te verhoog.
Die plaaslike motorbedryf vervaardig tans minder as 1% van die wêreld se voertuie. Die uitvoer van voertuie het wel toegeneem. Altesaam 239 465 voertuie is verlede jaar uitgevoer en daar word verwag dat daar vanjaar meer as 300 000 uitgevoer gaan word.
Die waarde van motoruitvoere het sedert 1995 aansienlik gegroei, toe uitvoere slegs R4,2 miljard was. Dit het verlede jaar gegroei tot R69,5 miljard.
Uitdagings vir die motorvervaardigingsbedryf sluit egter in arbeidskostes, stakings en die hoë koste van water en elektrisiteit.
– Kliek hier om die volledige storie te lees.
– Volg Nuus24 op Twitter.