General Motors wil werkers wéér aanstel
2011-01-20 15:51
Kaapstad - Meer as 'n honderd werkers by General Motors Suid-Afrika se aanleg in Port Elizabeth wat in 2009 hul poste verloor het toe die motorbedryf onder druk was, is weer hul werk aangebied.
Dit volg na die herstel in die motorbedryf die afgelope jaar waarin GM se verkope in 2010 op 'n jaargrondslag met 26% verbeter het.
Toe die maatskappy in 2009 teruggesnoei het, het die meeste werkers skeidingspakette aanvaar, maar talle is teen hul sin uit diens gestel.
Die maatskappy se vise-president van beplanning, Ian Nicholls sê dié werkers het nou die keuse om hulle werk weer te hervat.
- Vir meer inligting besoek RSG.
- Volg Nuus24 op Twitter.