'Geen paniek nodig oor brandstoftekort'
2011-07-11 13:21
Kaapstad – Die brandstof-kleinhandelaarsvereniging het motoriste gevra om nie paniekerig te raak oor 'n moontlike tekort aan brandstof nie, maar om wel voorbereid te wees.
Sowat 70 000 lede van die vakbonde Ceppwapa en Giwusa het hulle pas by die landwye staking van die industriële, chemikalieë- en petroleum-sektor aangesluit.
Reggie Sibiya, die vereniging se bestuurshoof, sê vulstasies kan leegloop, hoewel dit nie onmiddellik sal gebeur nie.
"Die meeste van hulle het nog voorraad vir 'n paar dae."
– RSG.
– Volg Nuus24 op Twitter.