Ford herroep duisende Fiesta's

2012-10-16 17:55

Detroit – Die Amerikaanse motorvervaardiger Ford herroep meer as 154 000 subkompakte Fiesta's weens 'n probleem met die lugsakke aan die kante.

Die maatskappy het gesê wanneer die voorste passasiersitplek leeg is, sal die lugsak aan die kant nie opblaas nie, omdat dit ontwerp is om in sommige ongelukke die passasiers op die agtersitplek te beskerm.

Ford het gesê hy weet nie van enige ongelukke wat verband hou met die probleem nie.

Die 2011- tot 2013-modelle word deur die herroeping geraak. Die motors is vanaf 3 November 2009 tot 21 September 2012 in Mexiko gebou.

Motorhandelaars sal gratis die rekenaar wat die lugsak aan die kant herprogrammeer, sodat dit opblaas al is die voorste passasiersitplek leeg.

– Volg Nuus24 op Twitter
 

- Sapa - AP