Ferrari skend muur van 600 jaar oud

2012-05-10 21:54

Shanghai, China – Ferrari se feesvieringe in China om hul 20ste herdenking te vier het nie goed afgeskop nie nadat 'n sportmotor motorbandmerke op Nanjing se oeroue stad se muur gelaat het.

Chinese inwoners is woedend gelaat nadat 'n verkoopsagent toegelaat het dat die motor op die muur mag ry tydens 'n promosie-geleentheid, het die Xinhua nuusagenskap Woensdag berig.

Die motor is deur middel van 'n hyser gelig en 'n video van die geleentheid het gewys hoe 'n bloedrooi Ferrari sy motorbande op die muur laat draai met skoonmakers wat die volgende dag probeer het om die merke uit te kry.

"Ons kan nie verdra dat Ferrari 'n oeroue stad vir 'n vertoning gebruik en dit vernietig nie. Indien jy nie die stad respekteer nie verdien jy nie om hier te bly nie," het een van Nanjing se inwoners op 'n blog geskryf.

Ferrari het Dinsdag op sy webwerf om verskoning gevra en gesê hy respekteer die Chinese kultuur en werk daaraan om die probleme op te los.

Maar volgens kenners mag dit dalk te laat wees om die skade wat reeds gedoen is reg te stel.



– Kliek hier vir die volledige berig.

– Volg Nuus24 op Twitter.

- AFP