Eminem, Audi bereik ooreenkoms
2011-08-03 10:05
Duitsland – Die rapper Eminem het ‘n finansiële ooreenkoms met die Duitste motorvervaardiger Audi bereik nadat dié maatskappy sy liedjie "Lose Yourself" sonder toestemming in ‘n advertensie gebruik het.
Die hip-hop-ster en sy produksiemaatskappy het Audi in Junie gedagvaar nadat hulle die liedjie gebruik het wat Chrysler in sy "Imported from Detroit"-veldtog ingespan het vir die nuwe Chrysler 200-model.
Eminem het Chrysler egter toestemming gegee om dié musiek te gebruik.
Eminem het ook beweer die nuwe Audi-advertensie gebruik amper dieselfde beeldmateriaal as Chrysler.
In Chrysler se weergawe ry Eminem verby bekende bakens in Detroit, terwyl die motor in Audi se advertensie verby toeristebestemmings in Berlyn ry.
– Daily Voice.
– Volg Nuus24 op Twitter.