Duitse motorbaas: vermiste of vlugteling?
2010-02-19 15:12
Kaapstad – Dit lyk asof berigte oor Uwe Gemballa, die Duitse motorbaas wat verlede week raaiselagtig in Johannesburg as vermis aangemeld is, verkeerd kon wees.
Gemballa het Maandag van Frankfurt na Suid-Afrika gevlieg, maar is nog nie opgespoor vandat hy Duitsland verlaat het nie.
Alhoewel gerugte van ontvoering en ‘n kans van losprys die ronde gedoen het, word daar nou beweer dat Gemballa dalk van iets af gevlug het.
Duitse (en Suid-Afrikaanse) owerhede is nie baie uitgesproke oor Gemballa se soektog nie, maar hulle het wel die afgelope week Gemballa se voorraad ondersoek – wat gewoonlik tot ‘n interne ondersoek van inkomste lei.
Dis moontlik dat iets met sy belasting verkeerd geloop het.
Duitse owerhede kan gevolglik dalk ‘n saak van belastingontduiking maak, eerder as om hom as ‘n vermiste person te beskou.
- Wheels24