Dié ekstras voeg niks by voertuigwaarde
2010-11-18 19:15
Londen – Voornemende motorkopers word deesdae gebombardeer met lang lyste toevoegings tot hul motors.
‘n Kattebak wat oopspring met die druk van ‘n knoppie, ruitveërs wat waai sodra die druppels val. Die opsies is legio.
Maar hoeveel van dié ekstras, wat ook ‘n aardige ekstra op die verkoopprys kan beteken, voeg werklik iets by die dag wanneer jy weer jou voertuig verkoop?
Yahoo! Cars het met ‘n verkoopskenner gepraat en met ‘n paar handige riglyne opgekom.
Gekleurde stikwerk op jou rathefboom en stuurwiel beteken ongelukkig bra min, meen die kenner, en vergeet ook maar die vervaardiger se embleem op bekleedsel en kopstutte.
Spoedbeheer, allooiwiele en lugversorging sal egter talle tweedehandse motorkopers se ore laat spits, veral dié wat ‘n effens duurder motor soos ‘n BMW 3-reeks wil koop.
As jou motor egter eendag onder die Corsa’s en Citi Golfies op die verkoopsvloer gaan staan, vergeet maar die ‘mags.’
Hulle kos dalk duisende, maar gaan veel minder by die verkoopsprys van jou baba voeg.
Lees meer hier.