Dié Toyota-modelle word in SA herroep
2010-02-16 19:12
Kaapstad – Die motorbedryf se ombudsman (MIO) het in ‘n persverklaring die Toyota-modelle bekend gemaak wat in Suid-Afrika herroep gaan word.
Die modelle wat weens foutiewe versnellers geaffekteer word is die Toyota Corolla (Februarie 2007 – Januarie 2010), die Toyota Auris (Junie 2006 – Januarie 2010) en die Toyota Verso (Oktober 2008 – Januarie 2010).
Die Prius-modelle (Augustus 2009 – Februarie 2010) word ook herroep as gevolg van sagteware wat opgegradeer moet word.
Toyota SA sal binnekort in kontak wees met al die eienaars van die motors wat geaffekteer word.
Eienaars sal die geleentheid kry om hul motor na hul naaste motorhandelaar te neem.
Volgens die MIO se Johan van Vreden sal aksie vanaf 23 Februarie geneem word en Toyota is reeds besig om eienaars se kontak.
“ Ons glo dat die eienaars van die geaffekteerde voertuie Toyota se volle en nodige aandag sal kry.”