Britte wil vinniger jaag
2011-05-25 12:44
Londen - 'n Nuwe meningspeiling deur die Institute of Advanced Motoring (IAM) het bevind dat byna driekwart van alle bestuurders in die Verenigde Koningkryk (meer as 70%) wil hê die spoedbeperking op snelweë moet van 70 myl per uur (112 km/h) na 80 myl per uur (128 km/h) verhoog word.
Van die meer as 2 000 respondente het amper drie uit vyf gesê dis meer waarskynlik dat hulle by spoedbeperkings sal hou as dit verhoog word.
Byna 60% het gebieg dat hulle die spoedbeperking ignoreer wanneer verkeer vloei, met 'n vyfde van alle bestuurders wat teen 128 km/h of meer ry.
'n Studie oor spoed op vryvloeiende paaie deur die departement van vervoer het getoon dat meer as die helfte (52%) van bestuurders spoedbeperkings verontagsaam.
Neil Greig, direkteur van beleid en navorsing by IAM, sê: "Hoewel snelweë die veiligste paaie is, is die verhoging van die snelweg-spoedbeperking 'n omstrede saak. Dis hoekom ons 'n toets wil doen, om die impak daarvan op padveiligheid, brandstofverbruik en die optrede van bestuurders vas te stel.
- Lees hier meer.
- Volg Nuus24 op Twitter.