Brittanje: Rook in motors dalk verbied

2011-11-18 09:41

Los Angeles – Parlementslede in Brittanje gaan volgende week stem oor 'n nuwe wet wat motoriste sal verbied om in hulle motors te rook.

Indien dié wet bekragtig word, kan motoriste verbied word om in hul eie voertuie te rook wanneer kinders in die voertuig teenwoordig is.

Die Britse Mediese Vereniging wil dié wet instel omdat rook in ‘n toe omgewing soos 'n motor tot 23 keer digter kan wees as wanneer byvoorbeeld in ‘n kroeg gerook word.

Rook in kroeë is vier jaar gelede in Brittanje onwettig verklaar.

Gesondheidsgroepe steun die nuwe rookwet.

– Daily Mail.

– Volg Nuus24 op Twitter.