Beweerde Sanral-padblokkades word ondersoek
2012-02-20 13:10
Kaapstad – Die ouditfirma Deloitte and Touche is aangestel om ‘n onafhanklike forensiese ondersoek te loods na bewerings dat die Suid-Afrikaanse Nasionale Padagentskap (Sanral) padblokkades gehou het om motoriste te oortuig om vir die e-tolstelsel te registreer.
“Om die ondersoekbeampte met soveel inligting moontlik te voorsien, doen ons ‘n beroep op enigiemand wat by die padblokkade op die Linksfield-afrit of by enige ander plek afgetrek is om dit by die ondersoekbeampte aan te meld,” het Justice Project SA gesê.
Sanral het ontken dat hy die padblokkades in Januarie gehou het en het berigte daaroor as ‘n “kwaadwillige gerug” beskryf.
Dié gerugte het die sosiale netwerke Facebook en Twitter aan die gons gehad.
“Geen werkers van Sanral of sy toloperateur ETC het enige padblokkades gehou soos wat in die e-posse of op sosiale netwerke geskryf is nie,” het Sanral gesê.
Die maatskappy sê die gerugte het begin nadat sy werkers gesien is waar hulle paaie merk en motoriste gedink het 'n padblokkade word gehou.
– Volg Nuus24 op Twitter
- SAPA