Bestuurders 9 dae in verkeersknoop vas
2010-08-24 11:48
Kaapstad – Die einde is uiteindelik in sig vir gefrustreerde bestuurders wat ‘n 100 km lange verkeersknoop op ‘n snelweg op pad na Beijing vir 'n volle nege dae moes verduur, het die staatsmedia Maandag gesê.
Die verkeersknoop is deur padwerke veroorsaak wat nog ‘n maand lank sal duur, het die nuusagentskap Xinhua op hul webtuiste gesê.
Bestuurders, wat hoofsaaklik vragmotorbestuurders was, moes die tyd verby kry deur kaarte te speel.
Die bestuurders het ook gekla dat plaaslike mense kos teen hoë pryse aan hulle verkoop het, het die berig gesê.
Die verkeer het tot in die provinsies van Hebei en sentrale Mongolië gestrek.
Volgens die staatstelevisie het die situasie nou “basies na normal teruggekeer.”
Volg Nuus24 op Twitter.
- Reuters