Baie motors in Latyns-Amerika 'lewensgevaarlik'
2011-11-25 10:48
Sao Paulo – 'n Motorveiligheidsagentskap het gewaarsku dat die bestuurders van sommige van die gewildste motors in Latyns-Amerika die risiko loop om "lewensbedreigende beserings" op te doen weens die onveiligheid van dié modelle.
Die Uruguan Latin New Car Assessment Programme het in 'n verslag gesê dat toetse op voertuie wat vervaardig is deur vier voertuigvervaardigers in Brasilië, Argentinië en Mexiko onveilig kan wees vir motoriste.
Volgens die verslag is voertuie van General Motors, Fiat, Ford en Nissan getoets.
Die verslag het die "swak strukturele integriteit" van sekere voertuie beklemtoon, en ook gesê 'n gebrek aan lugsakke stel die lewens van motoriste in Latyns-Amerika in gevaar.
Die motorvervaardigers wie se voertuie getoets is, was nie dadelik vir kommentaar beskikbaar nie.
– Volg Nuus24 op Twitter.
- AP