Bafana kry ‘n Merc
2010-03-01 14:43
Kaapstad - As borg van Bafana Bafana het Mercedes-Benz ‘n luukse Multego-bus aan die Suid-Afrikaanse sokkerspan oorhandig.
Dié borgskap sal vir sowat drie jaar voortduur.
Die Mercedes-Benz Multego is ‘n luukse passasiersbus wat spesiaal ingerig is om Bafana Bafana te akkommodeer. Sowat 40 passasiers kan gerieflik in die bus sit.
Aan die agterkant van die bus is ‘n u-vormige bank en konferensietafel vir wanneer die span vergaderings moet hou.
Die binnekant van die bus is uitgelê met hoë kwaliteit roomkleurige leerwerk. Die span kan ook lekker in die bus uitspan en ‘n film geniet danksy drie televisieskerms en ‘n DVD-speler met die nodige klankstelsel.
Die Multego spog ook met lugversorging en twee yskaste.
Danksy Mercedes-Benz kan die Suid-Afrikaanse sokkerspan nou in styl deur Afrika rondrits.
- Nuus24