500 Qashqais in SA herroep
2012-09-14 14:24
Kaapstad – 'n Nissan Qashqai-bestuurder in Finland het die skok van sy lewe gekry het toe sy stuurwiel losgekom terwyl hy bestuur het.
Gelukkig het die voorval gebeur terwyl hy teen 'n lae spoed gery het. Niemand is tydens die voorval beseer nie, maar Nissan het intussen met 'n ondersoek begin.
Volgens Nissan is dié probleem by 600 stuurwiele wat vroeër vanjaar by sy Sunderland-fabriek in die Verenigde Koninkryk afgelewer is, opgespoor.
Slegs 1% van die motors wat vanjaar tussen 27 Februarie en 16 Mei by daardie fabriek vervaardig is, word deur die herroeping geraak. Omdat Nissan nie weet by watter spesifieke motors dié stuurwiel geïnstalleer is nie, word al die motors wat in hierde periode vervaardig is, egter herroep.
Altesaam 500 van die motors wat herroep word, is in Suid-Afrika.
Qashqai-eienaars wat deur die herroeping geraak word, sal gekontak word sodat hul voertuie nagegaan kan word.
Indien daar 'n probleem is, sal die komponent gratis herstel word.
– Iol.
– Volg Nuus24 op Twitter.
