Zuma vergader met Gaddafi
2011-05-30 08:17
Kaapstad - President Jacob Zuma word Maandagoggend in Tripoli verwag vir 'n ontmoeting met Muammar Gaddafi, die Libiese leier.
Lede van die G8 het gesê die oogmerk is om 'n strategie vir Gaddafi se moontlike uittrede te bespreek.
Zuma se woordvoerder, Zizi Kodwa, het gesê die ontmoeting vind plaas binne die Afrika-unie-raamwerk om 'n einde te maak aan die krisis in Libië.
Rusland het hom vroeër by die leiers van Amerika, Brittanje, Kanada, Frankryk, Duitsland, Italië en Japan aangesluit en gevra dat Gaddafi sy amp moet neerlê.
Bronne het gesê dat Suid-Afrika moontlik met Turkye saamwerk aan 'n plan om Gaddafi uit die kussings te lig.
Zuma sal glo ook oor die uitlewering van die oorskot van die Suid-Afrikaanse vryskut-fotograaf Anton Hammerl met Gaddafi praat.
- Volg Nuus24 op Twitter.
- RSG